Според податоци на Друштото, средствата со кои управува КБ Прв отворен доброволен пензиски фонд, а кои членството ги издвојува на доброволна основа, на крајот на октомври 2019 година веќе изнесуваат 15 милиони евра. КБ Прво пензиско друштво, веќе 10 години управува со средствата на КБ Прв отворен доброволен пензиски фонд, кои во него граѓаните и компаниите ги издвојуваат за дополнителна пензија и посигурни пензионерски денови. На крајот на минатата 2018 година, според податоците на Агенцијата за супервизија на капитално финансирано пензиско осигурување (МАПАС), друштвото управуваше со околу 13 милиони евра.